One person was injured in a clash between cadres of Communist Party of Nepal-Unified Marxist Leninist (CPN-UML) and Nepali Congress (NC) in Beni Municipality-5. सोमबार साँझ कांग्रेस कार्यकर्ताको आक्रमणमा एमाले बेनी नगरपालिका-५ का वडा प्रमुख पदका उम्मेदवार लक्ष्मण बानियाँका छोरा मदन घाइते भएका छन । ढुङ्गा प्रहारले उनको तीन वटा दाँत भाँचिएको छ । बानियाँको जिल्ला अस्पताल बेनीमा उपचार भइरहेको छ । पुलाचौरबाट कुहुँ तर्फ चुनावी सभा गर्न हिँडेका ६० बढी काँग्रेस कार्यकर्ताले बाटोमा पोस्टर टाँस्दै हिँडेका चार जना एमाले कार्यकर्तामाथि ‘मोटरसाईकललाई साइड’ नछोडेको भन्दै एक्कासी ढुंगा र मुक्काले आक्रमण गरेको एमालेले जनाएको छ । घटनाको विषयमा सोमबार राति बेनीमा पुन: कांग्रेस–एमाले कार्याकर्ताबीच झडप भएको छ । ‘दलहरुबीच झडपको अवस्था आउन थालेपछि मंगलबार बिहान सर्वदलीय बैठक राखीस्थिति सामान्य बनाउन घाइतेको उपचार गर्ने र उप्रान्त मोटरसाइकल र्‍याली, माइकिङ, टिसर्ट समेतका उत्तेजक प्रचारलाई नियन्त्रण गर्ने सहमति भएको छ,’ प्रहरी नायव उपरीक्षक बसुन्धरा खड्काले भनिन् ।