Tejendra Neupane, a detainee in District Police Jhapa has accused the police of torturing him and other detainees arrested on the charge of abduction and taking hostage. Tejendra complained about the 'torture' before justice Babu Kaji Baniya, while the detainees were being presented before the court to extend their remand.Justice Baniya had ordered examination of Baniya and others for signs of torture following the complaint. They were taken to Mechi zonal hospital on Tuesday night for the examination. मानव अपहरण तथा बन्धक अभियोगमा पक्राउ परेका अभियुक्तहरुलाई प्रहरीले हिरासतमा शारीरिक यातना दिएको दावी गरिएको छ । अपहरण संलग्न रहेको आरोपमा जिल्ला प्रशासन कार्यालय झापाका खरिदार समेत रहेका तेजेन्द्र न्यौपानेले आफुहरुमाथि 'टर्चर' भएको दावी गरेका हुन् । मंगलबार म्याद थपका लागि जिल्ला अदालत झापामा लगिएका बेला न्यायधिश बाबुकाजी बानियाँ समक्ष उनले आफूमाथि 'टर्चर' भएको बताएसंगै संगै प्रहरी हिरासतमा उनीहरुलाई यातना दिएको रहस्य बाहिर आएको हो । न्यौपानेले न्यायाधिशलाई आफुलाई 'टर्चर' भएको बताएपछि 'च्याम्बर'मा न्यौपानेको अवस्थाको बारेमा अवलोकन गरेपछि जाँचेर रिपोर्ट ल्याउन आदेश दिइएको थियो। सोहि बमोजिम जिल्ला प्रहरीले मंगलबार राति नौ बजे मेची अंचल अस्पताल पुर्याएर घाउजांच गराएको छ । मेची अंचल अस्पतालमा स्वास्थ्य परिक्षणका लागि बेलुकै लाने भनिए पनि प्रहरीले संचारकर्मी र उनका आफन्तले थाह पाउने भन्दै राति मात्र लागेको श्रोतले बताएको छ । यता प्रहरी हिरासतमा रहेका न्यौपानेले 'मलाई मात्र होइन,अन्यलाई पनि चरम यातना दिएको छ।' 'अरुले भोलि झन् यातना दिन्छन भनेर डराएर भन्न सकिरहेका छैनन्'-न्यौपानेले न्यायाधिश समक्ष भनेका छन्।