मोरंगको बुधनगर-६ लंकाटोलमा छुरा प्रहारबाट एक युवक घाइते भएका छन्।घाइते हुनेमा बुधनगर-६ लंकाटोल बस्ने १८ वर्षीय बब्लु यादव रहेका छन् । यादवलाई भारत पिप्राघाट ग्राम पंचायत-१० बस्ने १७ वर्षीय मदन पासवान, सोहि ठाउँका १७ वर्षीय रोहित मण्डल र २५ वर्षीय मुकेश पासवानले सामान्य विवाद हुँदा छुरा प्रहार गरेका थिए । छुरा प्रहारबाट पाखुरामा चोट लागेका बब्लुको कोशी अंचल अस्पताल बिराटनगरमा उपचार भइरहेको छ । छुरा प्रहार गर्ने रोहित मण्डल र मुकेश पासवानलाई प्रहरीले नियन्त्रणमा लिएको छ भने मदन पासवान फरार रहेकाले उनको खोजी भइरहेको इलाका प्रहरी कार्यालय बुधनगरले जनाएको छ।