A dead body of the new-born child has been found near the roadside of Ilam municipality-7 on Sunday. Police have reached the site after locals informed them about the incident. Police are further investigating the case. इलाममा एक शिशु शव भेटिएको छ । आइतबार भर्खरै जन्माएर फालिएको शिशु सालनालसहित मृत अवस्थामा भेटिएको जिल्ला प्रहरी कार्यलय इलामले जनाएको छ । इलाम नगरपालिका–७ को सडक नजिकै घाँसबारीमा फालिएको अवस्थामा शिशु फेला परेको हो । शिशुको शव देखेपछि घाँस काट्न गएका स्थानीय बासिन्दाले प्रहरीलाई खबर गरेको जिल्ला प्रहरी कार्यलय इलामका प्रहरी निरीक्षक मोहन थापाले बताउनुभयो । बच्चा अन्तै जन्माएर यो ठाउँमा फालिएको हुन सक्ने प्रहरीको भनाई छ । शिशु फाल्ने महिलाको खोजी भइरहेको जिल्ला प्रहरी कार्यलय इलामले जनाएको छ ।