वीरगञ्जमा दाईको कुटाइबाट भाइको मृत्यु भएको छ । वीरगञ्ज महानगरपालिका छपकैया–२ निवासी ३५ वर्षीय मकबुल मियाँको बुधबार उपचारको क्रममा मृत्यु भएको हो । मंगलबार दिउँसो दाजु–भाईबीच झगडा हुँदा दाजु ४० बर्षिय अरसुल मियाँले ईट्टाले हान्दा भाइ मकबुलको टाउकोमा चोट लागेको थियो । मकबुलको नारायणी उपक्षेत्रीय अस्पतालमा उपचारपछि वीरगञ्ज हेल्थ केयर लगिएको थियो । त्यहाँ पनि उपचार सम्भव नभएपछि नेशनल मेडिकल कलेजमा भर्ना गरिएको थियो । मकबुलको उपचारको क्रममा बुधबार बिहान साढे २ बजे नै मृत्यु भएको अस्पतालले जनाएको छ । स्थानीयका अनुसार भाइ मकबुलको मानसिक सन्तुलन कमजोर थियो । पर्सा प्रहरीले अनुसन्धानका लागि अरसुललाई नियन्त्रणमा लिएको छ । जिल्ला प्रहरी कार्यालय पर्साका प्रवक्ता एवं प्रहरी नायव उपरीक्षक प्रकाश सापकोटाले भने घटनाको बारेमा अनुसन्धान भइरहेको बताए ।