Babu Ram Subedi, Udayapur's District Secretary of Biplov led CPN, got arrested. He was arrested because of his involvement in the bomb blast that injured 7 people. Police is investigating further about the case. He was taken in custody on November 30. He was arrested from his own house. Police have also found a motorcycle of Kedar Rai, CPN's District In charge. The ones injured in the blast are currently being treated in Teaching Hospital, Maharajgunj. नेत्रविक्रम चन्द (बिप्लव) नेतृत्वको नेपाल कम्युनिष्ट पार्टीका जिल्ला सेक्रेटरी पक्राउ परेका छन् । जिल्लाको पूर्वी बेलका नगरपालिकाबाट सेक्रेटरी बाबुराम सुबेदीलाई नियन्त्रणमा लिएर अनुसन्धान थालिएको प्रहरीले जनाएको छ । उदयपुरमा शृङ्खलाबद्ध बम आक्रमणसँगै उम्मेदवारसहित ७ जना घाइते हुने गरी एम्बुस विष्फोट गराउनेको खोजी गर्ने क्रममा उनी पक्राउ परेका हुन् । उनलाई बिहीबार साँझ नियन्त्रणमा लिइएको हो । यसअघि बिहान त्रिनपा ८ का बलबहादुर मगरलाई एम्बुस थाप्ने योजनाकारमध्येका एक भएको आरोपमा घरबाटै पक्राउ गरेर अनुन्धान थालिएको प्रहरीले जनाएको छ । अज्ञात समूहले लगातार विष्फोट गराउन थालेपछि चुनाव वहिस्कारको अभियानमा जुटेको नेकपालाई लक्षित गरी अपराधीको ‘सर्च’ गर्ने क्रमलाई प्रहरीले तिब्र पारेको जिल्ला प्रहरी कार्यालय उदयपुरले जनाएको छ । प्रहरीले नेकपाका जिल्ला इन्चार्ज केदार राईको मोटरसाइकल पनि बरामद गरेको जनाएको छ । राई भने फेला पर्न सकेका छैनन् । उनको खोजी भइरहेको प्रहरी भनाई छ । उदयपुरमा उम्मेदवारको कार्यक्रम लक्षित गरी मंसिर १४ देखि निरन्तर विष्फोट हुने क्रममा १३ गते विद्युतीय धराप विष्फोटमा नेपाली कांग्रेसका प्रतिनिधिसभा क्षेत्र नम्बर २ का उम्मेदवार नारायण कार्की गम्भीर घाइते भएका थिए । उनीसँगै टोलीमा रहेका नेविसंघ नेतृ मीरा कटुवाल, चालक राजन कार्की, कार्कीका अंगरक्षक कालीदास श्रेष्ठ र गाडीमा सवार बृद्धा धनमाया धौलाकोटी पनि घाईते भएका थिए । उनीहरु सबैको राजधानीस्थित त्रिवि शिक्षण अस्पतालमा उपचार भइरहेको छ ।