Police have arrested a group of 7 youths who reportedly attacked another group of 5 youths including the son of Taplejung district CDO Mohan Bahadur GC with knife during a dispute at a Disco in Haatisaar on Tuesday night. Prajin Rai, Bipin Poudel, Samirbikram Thapa and Rajaram Ghimire were reportedly injured in the knife attack. According to DSP Dan Bahadur Malla of Metropolitan Police Circle Durbarmarg, the arrested have been identified as Arjun Tamang,Samundra Gurung, Birat Gurung, and Bipin Koirala of Sindhupalchowk, Sanjay Shrestha of Kavre, Rahul Ghimire of Kathmandu, and Nuru Sherpa of Solukhumbu. Police recovered a knife from the arrested youths. Police are further investigating on the incident. ताप्लेजुङका प्रमुख जिल्ला अधिकारी मोहन बहादुर जिसीको छोराको समुहमाथि गएराति काठमाडौंको हात्तिसारमा छुरी प्रहार गरेर भागेका ७ जनालाई प्रहरीले पक्राउ गरेको छ । दरबारमार्गको भिक्टोरी क्लबमा ‘बर्थ डे पार्टी’ मनाउन गएका प्रजिअ जिसीका पुत्र दिनेश जिसी सहितका पाँच जनाको समुहलाई सामान्य विवाद हुँदा अपरिचित समुहले हात्तिसारस्थित जय नेपाल हल अगाडि छुरा प्रहार गरेका थिए । ‘छुरा प्रहारमा संलग्न सात जनालाई नियन्त्रणमा लिएका छौं’ महानगरीय प्रहरी वृत्त दरबारमार्गका डिएसपी दानबहादुर मल्लले भने, ‘सामान्य विवादमा अपरिचित समुहले छुरा प्रहार गरेको खुल्न आएको छ ।’ प्रहरीका अनुसार छुरा प्रहारमा संलग्न सिन्धुपाल्चोकका अर्जुन तामाङ, काभ्रेका संजय श्रेष्ठ, काठमाडौंका राहुल घिमिरे, सिन्धुपाल्चोकका समुन्द्र गुरुङ, सिन्धुपाल्चोककै विराट गुरुङ, सोलुखुम्बुका नुरु शेर्पा र सिन्धुपाल्चोकका विपिन कोइराला पक्राउ परेका छन् । पक्राउ परेकाहरुको साथबाट प्रहरीले छुरी बरामद गरेको छ । गएराती एक बजे भिक्टोरी क्लवमा डान्स गर्ने क्रममा एक आपसमा टच भएपछि शुरु भएको विवादका कारण अर्जुन तामाङ सहितका सात जनाले जिसी समुहलाई पछ्याएको थियो । हात्तिसार नजिकै पुगेपछि बाटो छेकेर छुरा प्रहार गर्ने क्रममा प्रजिन राई, विपीन पौडेल, समिरविक्रम थापा र राजाराम घिमिरे घाईते भएका थिए । ताप्लेजुङका प्रजिअ पुत्र भने सकुशल रहेको बताइएको छ । ‘मेरो छोरालाई छुरी हानेको हैन, उसका साथीहरुमाथि त्यस्तो घट्ना भएको रहेछ’ रातोपाटीसँग कुरा गर्दै प्रजिअ मोहनबहादुर जिसीले भने, ‘दिनेश मेरो छोरा हो, तर उसलाई केही भएको छैन् ।’