देवानगञ्ज गाउँपालिका–५ साहेवगञ्जका २५ वर्षीय सन्दीप यादवको अपहरणपछि भदौ २७ गते हत्या भएको छ । यादवको शव भारतको फारविसगञ्जमा २७ गते फेला परेको हो । २५ गते राति घरमा सुतिरहेका यादवलाई अज्ञात समूहले अपहरणको शैलीमा लगेको मृतकका दाजु अशोक यादवले बताए । २६ गते बिहान नेपाल प्रहरीलाई भाइ हराएको खबर दिएको एकदिन पछि २७ गते घाँटी थिचेर र आँखा फुटाएर हत्या गरिएको अवस्थामा शव फेला परेको अशोकले बताए । भारतीय प्रहरीसँग २७ गते समन्वय गरी २८ गते बिहान २ बजे शव नेपाल ल्याएर जिल्ला अस्पतालमा पोष्टमार्टम गरिएको जिल्ला प्रहरी कार्यालयका डिएसपी ज्ञानेन्द्र फुयाँलले बताए । घटनामा संलग्नहरुको खोजी भईरहेको प्रहरीले जनाएको छ ।