Ward chairman of Diktel Rupakot Majhuwagadhi Municipality in Khotang district has been charged with sexual misconduct. A woman filed a case at the Khotang District Court against Lila Chauhan, the ward chairman of Diktel Rupakot Majhuwagadhi-8, on Monday stating the accused had sexually harassed her repeatedly. (PR) खोटाङमा वडाध्यक्षमाथि यौन दुर्व्यवहारको आरोप लागेको छ। दिक्तेल रुपाकोट मझुवागढी नगरपालिका–८ देर्पाचिउरीडाँडाका वडाध्यक्ष लिला चौहानमाथि यौन दुर्व्यहार गरेको आरोप लागेको हो। जिल्ला अदालत खोटाङमा सोमबार ३३ वर्षीय महिलाले चौहानविरुद्ध यौन दुर्व्यवहार मुद्दा दर्ता गरेकी छिन्। चौहानविरुद्ध २०७५–सी ४–०००७ नम्बरमा मुद्दा दर्ता भएको अदालतका श्रेस्तेदार लालबहादुर कार्कीले बताए। उनीमाथि असोज १६ गते राति सुतिरहेको अवस्थामा दुर्व्यवहार गरेको आरोप छ। २०७४ साल पुस १८ गते पनि यौन दुर्व्यवहार गरेको पीडित महिलाको दाबी छ। यौन दुर्व्यवहारको आरोप लगाउने महिला शिक्षिका हुन्।