काठमाडौं महानगरपालिका-१३ कालिमाटीस्थित रविभवनबाट बालयौन दुराचारीको अभियोगमा सोही भवनमा अपार्टमेन्ट लिई बस्ने बेलायती नागरिक ५० वर्षीय इयान रोबर्ट कोललाई शनिबार दिउसो प्रहरीले पक्राउ गरेको छ ।

 नेपाली बालकहरूलाई ललाई फकाई विभिन्न प्रलोभनमा समेत पारी बालयौन दुराचार (pedophilia) गरी गराइ पिडीत बनाउने गरेको सूचनाको आधारमा केन्द्रीय अनुसन्धान व्युरोबाट खटिएको प्रहरी टोलीले रोबर्ट र उक्त कार्यमा सहयोग गर्ने २ जना नेपाली समेत लाई पक्राउ गरेको छ । रोबर्टको अपार्टमेन्टबाट ३ जना नेपाली पिडित बालकहरु समेतलाई उद्दार गरिएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।