४ जेठ, बुटवल । रुपन्देको कन्चन गाउँपालिका वडा नं. २ कन्चन खोला नजिकै बम बिस्फोट भएको छ भने ओमसतिया १ कटैयामा शंकास्पद बस्तु फेला परेको छ ।

कन्चन गाउँपालिकाको कन्चनखोला नजिकैको खाली चौरमा शनिबार बिहान ४ बजे सिलिण्डर बम बिस्फोट गराइएको हो ।

बिहान ४ बजे नै बिस्फोट भए पनि स्थानीयबासीले बिहान ७ः३० बजे मात्रै प्रहरीलाई खबर गरेको इलाका प्रहरी कार्यालय बुटवलले जनाएको छ । बिस्फोटबाट ठूलो आवाज आए पनि कुनै क्षति भने नभएको प्रहरीले जनाएको छ ।