राजविराज : सप्तरीको बलान बिहुल गाउँपालिका अध्यक्ष दयानन्द गोइतको घरनजिकै गएराति बम विस्फोट भएको छ । कुकर बम विष्फोट भएको छ । बलान विहुल गाउँपालिका–२ चनही टोलमा रहेको गोइतको घर अगाडि राति सवा १२ मा प्रेसर कुकुर बम विष्फोट भएको अध्यक्ष गोइतले जानकारी दिए । 

गाइतकाअनुसार राति सुत्न गएपछि घर अगाडी रहेको प्रतिक्षालयमा बम विष्फोट भएको हो। विष्फोटले प्रतिक्षालयमा रहेको प्लाष्टिकका कुर्सी र काठका टेबुलमा क्षति भएको छ ।