चोरीको आरोपमा कुटिएका नेपाली सेनाका जवान अनिशकुमार सिंहको उपचारका क्रममा बिहीबार बिहान मृत्यु भएको छ । सिरहाको दक्षिणी सीमावर्ती बरियारपट्टी गाउँपालिका–४ तेनुवापट्टी गाउँ घर भएका सिंहमाथि ६ दिनअघि निर्घात कुटपिट भएको थियो ।

संखुवासभाको खाँदबारीस्थित नेपाली सेनाको गुल्ममा कार्यरत सिंह घरबिदामा आएका वेला घटना भएको हो । काठमाडौंको छाउनी अस्पतालमा उपचारको क्रममा बिहीबार बिहान २ बजेतिर उनको मृत्यु भएको जिल्ला प्रहरी कार्यालय सिरहाका सूचना अधिकारी प्रहरी नायब उपरीक्षक माधवराज खरेलले जानकारी दिए ।