बौधीमाई नगरपालिका–७, ग्यालेक्सी इन्ग्लिश बोर्डिंगमा अध्यनरत अपहृत विद्यार्थीको प्रहरीले उद्धार गरेको छ । बौधीमाई नगरपालिका–१ बस्ने गजेन्द्र साहका छ वर्षीय छोरा विशाल साहलाई भारतीय नागरिक मुन्ना साहले ललाइफकाई विद्यालयबाट अपहरण गरेका थिए । मोटरसाइकलमा बसाली अपहरण गरेर बिहार राज्यको पताही लगी राखेको सूचना पाएर जिल्ला प्रहरी कार्यालय, रौतहटका प्रहरी अधिकृत र इप्रका कोपवापिपरियाबाट प्रनानि लतीफ अंन्सारीको कमान्डमा खटेको प्रहरी टोलीले भारतीय प्रहरीसँग समन्वय गरी बालकको उद्धार गरेको जिप्रका रौतहटले जनाएको छ । 

मङ्गवार अपहरणमा परेका बालकको बुधवार बिहान १० बजे उद्धार गरिएको थियो । निज बालकलाई पिता गजेन्द्र साहको जिम्मा लगाई पठाइएको जिप्रका रौतहटका प्रहरी नायब उपरीक्षक नवीन कार्कीले बताएका छन् ।