१३ वर्षीया बालिकालाई बलात्कार गरेको आरोपमा त्रियुगा नपा–६ घर भइ हाल लहान नपा–१४ बस्ने ३० वर्षीय मोहमद शयद बिरुद्ध पीडित परिवारले इलाका प्रहरी कार्यालय लहानमा पुस १२ गते उजुरी दिए । पीडितलाई आरोपितले पुस ११ गते बलात्कार गरेको भन्दै पीडितकी आमाले पुस १२ गते इलाका प्रहरी कार्यालय लहानमा उजुरी दिएको बताउनु भयो । पीडितको स्वास्थ्य परीक्षण प्रादेशिक अस्पताल लहानमा पुस १२ गते भएको थियो । इलाका प्रहरी कार्यालय लहानका डिएसपी कुमार प्रसाद मैनालीका अनुसार आरोपित फरार रहेकाले खोज तलास भइरहेको बताउनु भयो ।