Uddav Pokhrel ६ वर्षीया बालिकालाई बालात्कार गरेको आरोपमा प्रहरीले साउन २४ गते १३ वर्षीय एक बालकलाई गिरफ्तार गरेको छ । जिल्ला प्रहरी कार्यालय दोलखाका इन्स्पेक्टर ललनप्रसाद कुर्मीका अनुसार आरोपित बालकलाई जिल्ला प्रहरी कार्यालयको निगरानीमा राखिएको छ । पीडित बालिकालाई साउन २२ गते बलात्कार गरेको आरोपमा पीडितका अभिभावकले जिल्ला प्रहरी कार्यालयमा साउन २३ गते उजुरी दिएका थिए । पीडित बालिकाको स्वास्थ्य परीक्षण साउन २३ गते प्राथमिक स्वास्थ्य केन्द्र चरिकोटमा गरिएको प्रहरीले जनाएको छ ।