2013-03-19
सेजवालटाकुरा- १ साहुटोलकी मेनुका राणा र उनका पति डिल्ली राणाले सोही ठाँउकी २० वर्षीया एक दलित महिलालाई ०६९ चैत ३ गते बिहान पानी भर्ने क्रममा धारा छोएको निहुँमा जातीय विभेदको निँहुमा हातपात भएको भन्दै पीडितले जिल्ला प्रहरी कार्यालयमा निवेदन दिएका छन् ।
दार्माकोट गाविस -२ घर भई सेजवालटाकुरा -१ साहुटोलमा डेरा गरी बस्ने कैलास विककी पत्नी प्रेमा बस्नेत विकमाथि धारामा पानी छोएको निहुँमा हातपात भएको हो ।
पीडितका पति कैलास विकले आफूले बिहान छुवाछुतको व्यवहार नगर्न सम्झाउँदा आफु कार्यालय गएको समयमा कोठामै आएर पत्नीमाथि हातपात भएको बताए । पीडित महिलाले पानी छोएको निहुँमा आफूमाथि हातपात र अभद्र व्यवहार भएको बताएकी छन् ।
उजुरीमा पीडितले आफुमाथि हातपात गर्ने राणा दम्पतिलाई हदैसम्मको कारबाहीको माग गरेकी छन् । घटनापछि प्रहरीले राणा दम्पत्तिलाई जिल्ला अदालतको आदेशमा पुर्पक्षका लागि हिरासतमा राखेको छ ।
घटनालाई मिलापत्रबाट टुङ्ग्याउन दबाब समेत आएको पीडितले बताएकी छन् । प्रहरीले भने पीडितले किटानी जाहेरी दिएकाले आफुहरूले पीडकलाई हिरासतमा राखेर अनुसन्धान गरीरहेको जनाएको छ । प्रहरीले पीडित पक्षको सल्लाह बमोजिम कारबाही प्रकृया अघि बढाएको जनाएको छ । पिडक पक्षले गल्ती स्वीकार्दै अबदेखी यस्तो गल्ती नगर्ने र यो घटनालाई मिलापत्रबाटै टुङ्ग्याउनुपर्ने बताउँदै आएका छन् ।
घटनाका विषयमा उनीहरूलाई अदालतबाट पाँच दिनको म्याद थपेर अनुसन्धान भइरहेको जिल्ला प्रहरी कार्यालय प्रमुखका डीएसपि लालमणि आचार्यले बताए ।
मिना बुढाथोकीTHE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD