इटहरी - इटहरी - ३ स्थित तालतलैया पार्कमा शनिबार वनभोज गएका युवाहरुबीच वादविवाद हुदाँ छुरा प्रहार भएको छ । छुरा प्रहारबाट इटहरी - ३ का १८ वर्षीय सागर लिम्बु घाइते भएका छन् । लिम्बुलाई सँगै गएका योगेश राईले वनभोजमा विवाद हुँदा छुरा प्रहार गरेका हुन् । ढाड, पेट र हत्केलामा काटिएको सागरलाई बीपी कोइराला स्वास्थ्य विज्ञान प्रतिष्ठान धरान पुर्याइ उपचार भइरहेको छ । घटनामा संलग्न योगेश सहित सौगात लिम्बु र अजय तामाङलाई अनुसन्धानका लागि इलाका प्रहरी कार्यालय इटहरीमा राखिएको छ ।