१५ वर्षीया बालिकालाई ०७३ जेठ २३ गते बलात्कार गरेको आरोपमा प्रहरीमा उजुरी परेदेखि फरार रहेका आरोपित वोर्लाङ-६ का १९ वर्षीय रवि पौडेललाई प्रहरीले माघ ३ गते गिरफ्तार गरेको छ । पीडित बालिकाका अभिभावकले जेठ २३ गते जिल्ला प्रहरी कार्यालयमा उजुरी दिएका थिए । पीडित बालिकाको स्वास्थ्य परीक्षण सोही दिन गरिएको थियो । आरोपितलाई गिरफ्तार गरी माघ ३ गते अदालत पेश गरिएकोमा अदालतले सोही दिन पूर्पक्षका लागि थुनामा राख्न जिल्ला कारागार पठाइएको जिल्ला अदालतका श्रेस्तेदार गोविन्द घिमिरेले जानकारी दिए ।