धारिलो हतियार प्रहार गरि कुटपिट गरेको अभियोगमा शिवराज नगरपालिका–१२ रुद्रपुर बस्ने सतार मिया जलिल गद्धी र राम सेवक यादवलाई प्रहरीले सोमबार पक्राउ गरेको छ । उनीहरुले सोही स्थान बस्ने बर्ष ५० को बुधराम अहिरलाई पुर्व रिसईबी र झगडाका कारण टाउकोमा धारिलो हतियार प्रहार गरी कुटपिट समेत गरी गम्भिर घाईते बनाएका थिए । कुटपिटबाट घाईते भएका अहिरलाई उपचारार्थ सञ्जिवनी अस्पताल चन्द्रौटा लगिएको छ । यस सम्बन्धमा प्रहरीले आवश्यक अनुसन्धान गरिरहेको छ ।