सप्तरीको राजविराजमा फेरि प्रहरी र संयुक्त लोकतान्त्रिक मधेसी मोर्चाका कार्यकर्ताबीच झडप भएको छ । मधेस बन्द आह्वान गर्दै प्रदर्शनमा उत्रेका मोर्चाका कार्यकर्ता र प्रहरीबीच सप्तरीको राजविराजको अदालत छेउमा झडप भइरहेको छ । झडपका क्रममा प्रहरीले तीन सेल अश्रुग्यास प्रहार गरेको छ । अहिले दुवै पक्षबीच ढुंगा हानाहान जारी छ । एमाले मेची महाकाली अभियान रोक्न खोज्‍ने मोर्चाका कार्यकर्ता र प्रहरीबीच सोमबार झडप हुँदा तीन जना प्रदर्शनकारीको ज्यान गएको थियो ।