कावासोती-३ अठ्ठाइस बिघा निवासी २१ वर्षीय रविना गुरुङ होली खेल्ने क्रममा गम्भीर घाइते भएकी छन् । कावासोती-८ निवासी रोहित गैरेले जवरजस्ती रंग लगाइदिन खोजेको र युवतीले नमानेपछि कोकको बोत्तलले टाउकोमा हानेर गम्भीर घाइते बनाइदिएको स्थानीयले जनाएका छन् । घाइते गुरुंगको शुभना पोलिक्लिनिकमा सामान्य उपचारपछी थप उपचारका लागि चितवन मेडिकल कलेज भरतपुर लागिएको छ । स्थानीयका अनुसार उनको टाउकोमा गम्भीर चोट लागेको छ । आक्रमणकारी फरार रहेको र उनको खोजीकार्य जारी रहेको इलाका प्रहरी कार्यालय नवलपुर जनाएको छ ।