चुनाव विरोधी गतिविधि गरेको आरोपमा प्रहरीले वैशाख २२ गते नेत्रविक्रम चन्द नेतृत्वको नेपाल कम्युनिष्ट पार्टीका तीन जना कार्यकर्तालाई गिरफ्तार गरेको छ । गिरफ्तार पर्नेहरूमा युवराज बास्तोला, प्रजबबहादुर केसी र मानबहादुर तामाङ रहेको प्रहरीले जनाएको छ । वडा प्रहरी कार्यलय बगरका इन्स्पेक्टर इश्वर लम्सालले आरोपितहरूलाई माछापुच्छ्रे गाउँपालिका-२ सर्दीखोलाबाट गिरफ्तार गरिएको हो । आरोपितहरू चुनाव विरोधी पर्चा टाँस्ने र भित्ते लेखन गर्ने क्रममा गिरफ्तार गरिएको इन्सपेक्टर लम्सालले जानकारी दिए । आरोपितहरूलाई थप अनुसन्धानका लागि हिरासतमा राखिएको प्रहरीले जानकारी दिएको छ।