सिन्धुपाल्चोकको इन्द्रावती गाउँपालिका अन्तर्गत भोटसिपा मतदान केन्द्रमा तनाव सिर्जना भएपछि मतदान रोकिएको छ । कांग्रेस र एमालेका कार्यकर्ताबीच झडप भएपछि प्रहरीले त्यहाँ हवाइ फायरसमेत गरेको छ । भोटसिपा केन्द्रमा शान्तिपूर्ण मतदान भइरहेका बेला कांग्रेस पक्षले बलजफ्ती गर्न खोजेपछि एमाले प्रतिकारमा उत्रिएको र झडप भएको प्रहरीको भनाइ छ । स्थगित भएको मतदान पुनः सुचारु गर्न सहमतिको प्रयास भइरहेको सुरक्षा निकायले जानकारी दियो । सिन्धुपाल्चोक इन्द्रावती गाउँपालिकाको प्रमुखमा एमालेका जिल्ला अध्यक्ष झम्क नेपाल उम्मेदवार बनेकाले दुवै पक्षले प्रतिष्ठाको विषय बनाएका छन् ।