डोटी । जेठ १५ गते
दहकालिकास्थान गाविस-२ निवासी दीपेन्द्र पाठकले जेठ १४ गते राती दीपायल सिलगढी नपा-१ मा डेरा गरी बस्ने रानागाउँ गाविस -२ की एक युवतीको कोठामा पसी दुर्व्यवहार गर्ने प्रयास गरेको आरोपमा पीडितले जेठ १५ गते प्रहरीमा जाहेरी दिएकी छन् । खाना खाएर कोठामा पढिरहेका समयमा एकाएक गएका आरोपितले ढोका खोल्न लगाई दुर्व्यवहारको प्रयास गरेपछि भागेर उम्किन सफल भएको पीडित युवतीले बताइन् ।
दोषीलाई खेाजतलास गर्नका लागि प्रहरीको टोली खटाएका छौँ तर, अहिलेसम्म भेटिएको छैन । दोषी भेटिएमा कारबाही गरिने जिल्ला प्रहरी कार्यालय डोटीका अनुसन्धान अधिकृत परशुराम चौधरीले बताए ।
लबदेब भट्ट