नवलपरासी जिल्ला प्रतिनिधि नारायण पराजुलीका अनुसार असार ६ गते बिहान नेकपा एमालेले चुनाव प्रचारमा प्रयोग गरेको लु १ च ६८४० नम्बरको पिकअप भ्यानमा अज्ञात समूहले आगजनी गरेको छ । बर्दघाट नपा-४ बर्दघाटमा पार्किङ गरेर राखेको गाडीमा अज्ञात समूहले पेट्रोल छर्केर आगजनी गरेको जिल्ला प्रहरी कार्यलय नवलपरासीले जनाएको छ । उक्त घटनाको अनुसन्धान भइरहेको तथा हालसम्म कुनै पनि पक्षले घटनाको जिम्मा नलिएको प्रहरीले जनाएको छ ।