झापाको दमकमा दिनदहाडै नाटकीय शैलीमा लुटपाट भएको छ । दमक-५ स्थित अनु दंगालको पसलमा ग्राहक बनेर एक युवाले पसलमा रहेकी उनलाई सामान झिक्ने क्रममा पछाडी ढुंगाले हानेर घाइते बनाइ सिक्री र मोबाइल लुटेर लागेको प्रहरीले जनाएको छ ।हातमा लगाएको ब्रासलेट पनि लुट्न खोजे पनि प्रतिकार गरेपछि त्यो भने लुट्न नपाएको बताइएको छ ।उक्त व्यक्तिले झोलामा ढुंगा हालेर ल्याएको जनाइएको छ । प्रतिकारमा घाइते भएकी दंगालको दमक स्थित लाइफलाइन अस्पतालमा उपचार भएको र टाउकोमा ९ टाँचा मार्नु परेको बताइएको छ । अन्दाजी २०-२२ वर्ष जस्तो देखिने लुटेरा लुट्ने योजनाका साथ आएको हुन सक्ने प्रहरीको अनुमान रहेको छ ।प्रहरीले लुटेराको खोजी गरिरहेको बताइएको छ।