तुलसीपुर उपमहानगरपालिका व डा नं १९ वासगाडी निवासी ४८ बर्षीय वीरबहादुर वलीमाथि सोहि वडा स्याल्पानीका ३१ बर्षीय धनबहादुर वलीले खुकुरी प्रहार गरेका छन्। पुरानो रिसबीका कारण सोमबार साँझ ६ बजेतिर बिजौरी हडिमे चोकनेर वलीले खुकुरी प्रहार गरेका हुन्। खुकुरी प्रहारबाट बाँया हातमा गहिरो चोट लागेको छ। खुकुरी प्रहार गर्ने ती युवालाई प्रहरीले नियन्त्रणमा लिएर खुकुरी र युवालाई इलाका प्रहरी कार्यालयमा पठाइएको प्रहरी चौकी हेमन्तापुरका प्रमुख महेश्वर दाहालले जानकारी दिएका छन्। घाइते वलीको थप उपचारका लागि तुलसीपुर पठाइएको छ।