मोरंगको सुन्दरहरैचा नगरपालिका-१० हरैचा मोडमा आइतबार कुटपिटबाट एक महिला घाइते भएकी छन् । सामान्य घरायसी बिबादले उग्र रूप लिंदै गएर हात हालाहालको अवस्थामा पुगेपछि घटना भएको थियो । दुई पक्ष्यबीचको कुटाकुटबाट सोहि नगरपालिका बस्ने ३४- बर्षिया रुपा श्रेष्ठ घाइते भएकी हुन् । उनलाई हरैचाकै २४ बर्षिया संगीता क्षेत्री , २५ बर्षिया रेणुका बिश्वकर्मा र २३ बर्षिय सर्मिला विश्वकर्माले सामान्य बिबादमा कुटपिट गरेका थिए । घाइते श्रेष्ठको न्यूरो अस्पताल विराटनगरमा उपचार भइरहेको छ भने कुटपिट गर्ने तिनै जनालाई प्रहरीले नियन्त्रणमा लिएको छ ।