वीरगज घण्टाघर रेडक्रस अगाडि रहेको पसलमामा तोडफोड गर्ने तीनजनालाई पक्राउ गरेको पर्सा प्रहरीले जनाएको छ । रमाकान्त साह तेलीको घर भाडामा लिई राकेश गुप्ताले सञ्चालन गरेको होटेलमा तोडफोड गरेको आरोपमा प्रहरी बिट घण्टाघरले पक्राउ गरेको जनाएको छ । पक्राउ पर्नेमा कमलकान्त साह, विजयनरायण साह, राजनकुमार रहेको प्रहरीले जनाएको छ । उनीहरूलाई आवश्यक कारबाईका लागि जिल्ला प्रहरी कार्यलय पर्सा पठाइएको छ ।