नेपालगंजमा सोमबार साँझ युवाको एक समुहले अर्का एक युवकमाथि सांघातिक रुपमा खुकुरी प्रहार गरेको छ । नेपालगन्जको न्युरोड बुद्धचोकमा बिशाल सुनारमाथी खुकुरी प्रहार गरिएको हो । खुकुरी प्रहारबाट टाउकोमा गम्भीर चोट लागेका सुनारलाई थप उपचारका लागि लखनउ रिफर गरिएको बाँकेका प्रहरी प्रमुख, प्रहरी उपरीक्षक टेक बहादुर तामांगले जानकारी दिए । प्रहरी उपरीक्षक तामांगले घटनामा संलग्नहरुलाई उनीहरुको पहिचानका आधारमा खोजि कार्य बढाइएको जानकारी दिए ।