जबर्जस्ती करणीको अभियोगमा इलाका प्रहरी कार्यालय रत्ननगरले एकजना पक्राउ गरेको छ । कालिका नगरपालिका वडा नम्बर ३ घर भएका २७ बर्षीय अर्जुन कुमाललाई प्रहरीले पक्राउ गरेको हो । कुमालले आफ्नै घरछेउमा बाख्रा चरुना लागेकी ५५ बर्षीय महिलालाई मादक पदार्थ सेवन गरेर जबर्जस्ती करणी गर्न खोजेको प्रहरीले जनाएको छ । आफुँलाई जबर्जस्ती करणी गर्न खोजेपछि महिलाले कुमालको हातमा टोकेर उम्कन सफल भएकी थिइन । अर्जुनको हातबाट उम्केर पिडित महिलाले हारगुहार गरेपछि स्थानीयले अर्जुनलाई पक्राउ गरेर प्रहरीको जिम्मा लगाएका थिए ।