मिक्लाजुङ्ग गाँउपालिका-७ की ४४ वर्षीया शान्तिकला तामाङलाई बलात्कारपछि हत्या गरेको आरोपमा प्रहरीले सोही ठाउँका ३० वर्षीय हिकबहादुर बस्नेतलाई असार १३ गते गिरफ्तार गरेको छ । शान्तिकलालाई आरोपितले फागुन २० गते बलात्कारपछि हत्या गरेर फालेको अवस्थामा शव फेला परेको थियो । सो घटनामा संलग्न्न भएको आरोपमा बस्नेतलाई घरैबाट गिरफ्तार गरिएको जिल्ला पञ्हरी कार्यालय मोरङका एसपी मनोज केसीले बताए । बलात्कारपछि अनुहारमा ढुङ्गाले किचेर हत्या गरिएको अवस्थामा शव फेला परेको प्रहरीको भनाई छ । गिरफ्तार गरिएका बस्नेतलाई कर्तव्य ज्यान मुद्दामा अनुसन्धान थालिएको एसपी केसीले बताए । शवको पोष्टमार्टम फागुन २० गते उर्लावारीस्थित मङ्गलबारे अस्पतालमा गरिएको थियो ।