संखुवासभाको खादबारी नगरपालिका १० चन्दनपुरस्थित नन्दलाल गौतमको घरमा अज्ञात समूहले आगो लगाइदिएको छ।आइतबार साँझ ५:१५ बजे लागेको आगोले साढे २ तले घर पूर्ण रूपमा क्षति भएको छ।घरमा कोहि नभएको मौकामा कसैले आगो लगाइदिएको गौतमका छोरा रविन्द्रले जानकारी दिए ।गौतमका अनुसार घरमा रहेको गरगहना,केहि नगद र अन्न जलेर नस्ट भएको छ ।प्रारम्भिक ओमन अनुसार करिब १ करोडभन्दा बढीको क्षति भएको छ ।घरमा चाबी लगाएर गौतम परिवार काठमाडौँ गएको बेला आगो लागेको हो ।घटनाको अनुसन्धान भइरहेको जिल्ला प्रहरी कार्यालय संखुवासभाले जनाएको छ ।