छोरी जन्माएको भन्दै सर्लाहीको हरिओलकी एक महिलाको आफ्नै श्रीमान सहित घरका सदस्यबाट हत्या प्रयास भएको छ । रिजा सिंहलाई उनका श्रीमान कुन्दन सिंह, सासुरा लालन सिंह र सासु मिलेर छोरी जन्माएको निहुँमा कुटपिट गरेका छन् । घरपरिवारका सदस्यको कुटाईबाट घाइते भएकी रिजाको नारायणी उपक्षेत्रीय अस्पताल बिरगंजमा उपचार भईरहेको छ । जिप्रका सर्लाहीमा पिडित रिजाका बुवा कृष्णबिहारी सिंहले छोरीको हत्या प्रयास गर्ने ज्वाईं कुन्दन सिंह र उनका परिवारका सदयामथी ज्यान मार्ने उधोगमा जिप्रका सर्लाहीमा मुद्दा दर्ता गरेको बताएका छन् ।