सर्लाहीको सोनबर्सामा दसगजा नजिकको सशस्त्र प्रहरीको अस्थाई चेक पोस्टमा सशस्त्र पप्रहरीका एक जवानले महिलामाथी कुटपिट गरेका छन् । कुटपिटबाट पिडित ३५ बर्षीया बेबी खातुन घाइते भएकी छिन् । शुक्रबार दिउँसो सिमावर्ती बजार सोनवर्षाबाट २ पोका भारतीय ब्रान्डको फ्रुटी लिएर आउंदै गरेकी खातुनलाई सशस्त्रका जवानले भनेको जति पैसा नदिएपछि कुटपिट गरेका हुन् । घाइते महिलाको जिल्ला अस्पताल मलंगवामा उपचार भईरहेको छ । महिलालाई कुटपिट गर्ने सशस्त्र प्रहरीका जवान उपर विभागीय कारबाही गरिने डीएसपी प्रकास कुमार माझीले बताए ।