१७ वर्षीया बालिकालाई बलात्कार गरेको अरोपमा इच्छाकामना गाउँपालिका–१ का ४० वर्षीय कृष्ण पुरीविरूद्ध पीडित पक्षले मङ्सिर २७ गते जिल्ला प्रहरी कार्यालय चितवनमा उजुरी दिएको छ ।

पीडित बालिकालाई आरोपितले असोज २७ गते बलात्कार गरी फरार रहेको भन्दै पीडित पक्षले प्रहरीमा दिएको उजुरी दर्ता गरेको प्रहरीले जनाएको छ ।

बलात्कारको घटनालाई गाउँमै मिलाउने प्रयास भएको र त्यस बिचमा आरोपित सम्र्पक बाहिर गएकाले मात्र घटना प्रहरीसम्म आएको जिल्ला प्रहरी कार्यालयका डिएसपी दुर्गाराज रेग्मीले बताए । आरोपितको खोजी कार्य भइरहेको डिएसपी रेग्मीले जानकारी दिए । पीडित बालिकाको स्वास्थ्य परीक्षण मङ्सिर २७ गते भरतपुर अस्पतालमा गरिएको छ ।