रूकुम : यहाँको एक गाउँमा साढे तीन वर्षीया नाबालिका बलात्कृत भएकी छन् । नाबालिकालाई बलात्कार गरेोको अभियोगमा एक व्यक्तिलाई प्रहरीले पक्राउ गरेको छ ।

नाबालिका बलात्कारको अभियोगमा सिस्ने गाउँपालिका-५, का ३१ वर्षीय मदन भनिने भरत गौतमलाई रूकुम पूर्व प्रहरीले पक्राउ गरेकको छ।

सोमबार दिउँसो १ बजे नाबालिकालाई बलात्कार गर्ने क्रममा स्थानीयले देखेपछि प्रहरीलाई खबर गरेका थिए । अन्य साथीभाइसँगै बसिरहेका गौतम पिसाव गर्न भन्दै हिँडेका थिए ।

गौतम हिँडेकै ठाउँतिर नाबालिका रोएको सुनेपछि उनीहरु हेर्न जाँदा आपत्तिजनक अवस्थामा भेटाएको जिल्ला प्रहरी कार्यालयका प्रहरी निरीक्षक ऐनबहादुर मल्लले बताए । अभियुक्त गौतम र बालिकालाई स्वास्थ्य परीक्षणका लागि रुकुम पश्चिमको जिल्ला अस्पताल सल्ले पठाइएको मल्लले बताए ।