कुटपिट गरी लुटपाट गरेको अभियोगमा जगरनाथपुर गाउँपालिका-१ पाण्डेपुर गाँउ बस्ने लोहा सिंह भन्ने ३५ वर्षीय कोराईन राउतलाई मंगलबार बिहान प्रहरीले पक्राउ गरेको छ ।

पाण्डेपुर गाँउ स्थितमा कोराईन राउत समेत ३ जनाले भारत वेतिया गोपालपुर थानाबाट बिहेको जन्ती आउने क्रममा बेहुलाको भाई १७ वर्षीय महमद ईन्तियाज आलम र १९ वर्षीय साकिर आलम सवार अन टेष्ट मोटरसाइकल रोकी सामान्य कुटपिट गरी ३ सय ग्राम चाँदीको गोडाई, ५ सय ग्रामको चाँदीको हसुली, आधा तोलाको सुनको नथिया र आधा तोलाको सुनको टिका लुटपाट गरेको भन्ने खबर प्राप्त हुनासाथ प्रहरी चौकी पाण्डेपुरबाट खटिएको प्रहरीले राउतलाई पक्राउ गरेको हो ।

लुटपाटमा संलग्न फरार रहेका १८ वर्षीय अफ्रोज राउत र १८ वर्षीय जमसेद आलमको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ ।