जलेश्वर नगरपालिका-४ सुगास्थित होलि खेल्ने क्रममा बादबिवाद भई कुटपिट गरेको अभियोगमा सोही स्थान बस्ने २० वर्षीय ईन्दल महत्तोलाई शुक्रबार दिउसो प्रहरीले पक्राउ गरेको छ ।

होलि खेल्ने क्रममा बादबिवाद भई कुटपिट हुँदा सोही स्थान बस्ने ३५ वर्षीया सहिल देवी महतो समेत ५ जना घाइते भएको खबर प्राप्त हुनासाथ जिल्ला प्रहरी कार्यालय महोत्तरीबाट खटिएको प्रहरीले कुटपिटमा संलग्न उनलाई पक्राउ गरेको हो । कुटपिटबाट घाइते भएकाहरुको जिल्ला अस्पताल जलेश्वरमा उपचार भइरहेकोमा २ जनालाई थप उपचारको लागि जनकपुरतर्फ लगिएको छ ।