१६ वर्षीया बालिकालाई सामूहिक बलात्कार गरेको घटनाका आरोपितमध्ये प्रहरीले रुपनी गाउँपालिका–६ वीरेन्द्र बजारका २० वर्षीय मुन्ना मण्डल भनिने वेदप्रकाश मण्डललाई जेठ ५ गते गिरफ्तार गरेको छ ।

पीडित बालिकालाई रुपनी गाउँपालिका–६ स्थित परीक्षा केन्द्र रहेको तेरहौता माविमा जेठ ४ गते राति आरोपितसमेत सात जनाले सामूहिक बलात्कार गरेको भन्दै पीडितले जिल्ला प्रहरी कार्यालयमा जेठ ५ गते उजुरी दिएकी छिन् । अन्य आरोपित फरार रहेको प्रहरीले जनाएको छ ।

पीडित बालिकाको स्वास्थ्य परीक्षण राजविराजस्थित गजेन्द्रनारायण सिंह अस्पतालमा जेठ ५ गते गरिएको छ ।

मनोहरकुमार पोखरेल