जनकपुरधाम, चैत्र २९ । नौ बुदाको माग गर्दै राष्ट्रिय जनता पार्टी नेपालले शुक्रवार जनकपुरधाममा विरोध प्रदर्शन गरेको छ । जनकपुरधामको जनक चौकवाट शुरु भएको विरोध प्रदर्शन नगरको विभिन्न भागहरुको परिक्रमा गरेर पुनः जनक चौकमा आएर नै सम्पन्न भएको थियो। विरोध प्रदर्शनमा राजपाका जिल्ला तथा केन्द्र स्तरका नेता तथा कार्यकर्ताहरुको उल्लेख सहभागिता रहेका थिए । राजपाले संविधानको संशोधन, रेशम चौधरीको रिहाई,राजबन्दीहरुको मुद्दा खारेजी, लाल प्रतिवेदनको सार्वजनिकीकरण ,महगी, भ्रष्टार तथा कमीशनको अन्त्य जस्ता मागहरु गर्दै शुक्रवार सवै जिल्लाहरुमा प्रदर्शन गरेको छ ।