१० वर्षीया बालिकालाई यौन दुर्व्यवहार गरेको आरोपमा प्रहरीले भारत उत्तर प्रदेश रामपुर स्थायी घरभई बुटवल उमनपा बस्दै आएका ५० वर्षीय जलालउद्दिन मुसलमानलाई असार १८ गते बुटवलबाट गिरफ्तार गरेको छ ।

आरोपि असार १८ गते भिक्षा माग्न बालिकाको घरमा पुगेको बेला बालिकाले घरमा कोही नभएको जानकारी दिएपछि आरोपितले चामल मागेको र चामल दिने क्रममा यौन दुर्व्यवहार गरेको भन्दै पीडितका बुबाले असार १८ गते इलाका प्रहरी कार्यालय बुटवलमा उजुरी दिएका थिए ।

पीडितपक्षको उजुरीका आधारमा प्रहरीले गिरफ्तार गरी अनुसन्धान भइरहेको डिएसपी भिमलाल भट्टराईले बताए । पीडित बालिकाको स्वास्थ्य परीक्षण असार १८ गते लुम्बिनी अस्पताल बुटवलमा गरिएको प्रहरीले जनायो ।

रीमा बि.सी.