दाङको बंगलाचुली गाउँपालिकाका अध्यक्षको गाडीमा आगजनि भएको छ। गाउँपालिकाका अध्यक्ष भक्तवहादुर ओली चढ्ने रा १ झ १५२ नम्वरको बोलेरो जीपमा शनिवार राती १२:४५ को समयमा अज्ञात समुहले आगजनी गरेको प्रहरीले जनाएको छ ।

आगजनीबाट गाडी जलेर पुर्णरुपमा ध्वस्त भएको छ । गाउँपालिकाको वडा नम्वर ५ को वडा कार्यालय मुर्कुटि भन्ने स्थानमा पार्किङ गरि राखेको उक्त गाडीमा आगजनी भएको हो । 

गाडीमा लागेको आगो ईलाका प्रहरी कार्यालय कमिरेचौरबाट खटीएको प्रहरी टोली र स्थानीयले नियन्त्रणमा लिएका थिए । गाडीमा कसले आगजनी गर्यो भन्ने खुल्न नसकेको र अनुसन्धान भैरहेको प्रहरीले जनाएको छ