मोरङको सुनबर्षि नगरपालिकाबाट एक किशोरीलाई अपहरण गर्ने महिलालाई प्रहरीले पक्राउ गरी सार्वजनिक गरेको छ।

गत फागुन २ गते राति सुनबर्षि नगरपालिकाकी एक किशोरी अपहरणमा संलग्न भएको आरोपमा ३६ वर्षीया गीता ऋषिदेबलाई प्रहरीले पक्राउ गरी सार्वजनिक गरेको हो।

सुनबर्षिकी१५ वर्षकी किशोरी घरबाटै अपहरणमा परेकी थिइन् । रंगेली प्रहरीले पीडितको जाहेरीका आधारमा साउनको दोस्रो सातामा अपहरण तथा शरीर बन्धक र जवरजस्ती करणीमा मुद्दा दर्ता गरी अनुसन्धान थालेको थियो।

पक्राउ परेकी ऋषिदेबलाई अदालतबाट म्याद थप गरेर थप अनुसन्धान भइरहेको ईलाका प्रहरी कार्यालय रंगेलीका प्रहरी निरीक्षक लेखनाथ दाहालले बताउनुभयो।

अपहरण ९ जनाको संलग्नता रहेको खुलेको प्रहरीले जनाएको छ। अपरणमा परेकी किशोरीलाई भारतको विभिन्न शहरमा लगेर करणी गरेको र यातना दिने गरेको बताइएको छ । उनको शरिरको बिभिन्न भागमा तातो पुन्युले डाम्ने गरेको पीडितले दिएको उजुरीमा उल्लेख छ।  

पीडित किशोरीलाई अपहरणमा परेको ५ महिनापछि भारतीय प्रहरी र नेपाल प्रहरीको सहयोगमा भारतको पञ्जाबबाट उद्धार गरिएको थियो।