सल्यानमा वालिकाको हत्या गरिएको छ । शुक्रबार राति काभ्रा गाउँपालिका वडा नं. १ तल्लो काभ्राकी अन्दाजी १७ वर्षीया कविता बोहराको हत्या गरिएको अबस्थामा शव फेला परेको छ ।

जिल्ला प्रहरी कार्यालय सल्यानका प्रमुख ढकेन्द्र खतिवडाका अनुसार कविताको घाँटीमा धारिलो हतियार प्रहार गरेर हत्या गरिएको छ । यस विषयमा थप अनुसन्धान भईरहेको प्रहरीले बाएको छ ।

परिवारका अनुसार शुक्रबार राति ९ बजेसम्म कविता कोठमा एक्लै पढिरहेकी थिईन् । त्यसपछि सबै घरपरिवार सुते । राति १ बजेतिर कविताका भतिजाले बिरामी भएर बमेड गर्दा सबै बिउझिए ।

त्यसपछि सबै परिवारहरु कवितालाई उठाउन उनको कोठामा गए ।
तर उनी कोठामा भेटिईनन् । उनको खोजी गर्दा घर नजिकैको गाइबस्तु बाँध्ने आगनमा मृत अवस्थामा फेला परेकी थिइन् ।