२१ वैशाख, गोरखा । १४ वर्षिया बालिकामाथि यौन दुर्व्यवहार गरेको आरोपमा गोरखाबाट एक व्यक्ति पक्राउ परेका छन् ।

गोरखा नगरपालिका–१४, उपल्लो हटियाका ५६ वर्षीय गोपीबहादुर श्रेष्ठलाई आइतबार प्रहरीले पक्राउ गरेको हो ।

किराना पसलमा सामान किन्न आएकी किशोरीमाथि श्रेष्ठले दुर्व्यवहार गरेको उजुरी परिवारका सदस्यले दिएपछि उनलाई नियन्त्रणमा लिइएको नेपाल प्रहरीका डीएसपी वासुदेव खतिवडाले जानकारी दिए ।

पक्राउ परेका श्रेष्ठविरुद्ध प्रहरीले यौन दुर्व्यवहार शीर्षकमा मुद्दा दर्ता गरेको छ । अभियोगबारे थप अनुसन्धान जारी रहेको डीएसपी खतिवडाले बताए ।