धरान (२०७७-०१-२४) – हिजो मंगलबार राती करीब साढे ८ बजेको समयमा धरान–३ भृकुटी पाखामा दुई युवा माथि खुकुरी प्रहार गर्ने विजय तामाङलाई पक्राउ गरिएको छ ।  मोबाइल ज्याकेटी राखेको विषयमा भएको विवादमा विजयले दुई युवामाथी खुकुरी प्रहार गरेको इलाका प्रहरी कार्यालय धरानका डिएसपी ढुण्डीराज न्यौपानेले जानकारी दिए । प्रहरीका अनुसार खुकुरी प्रहार गर्दा सोही स्थानका २५ वर्षीय उत्तम तामाङको कम्मरको पछाडिको भागमा र २४ वर्षीय सन्दीप तामाङको दायाँ छाती र बाँया कम्मरमा चोट लागेको थियो ।  सामान्य घाइते बनेका उत्तमलाई विजयपुर हस्पिटलमा उपचारका लागि पठाई उपचारपछि डिस्चार्ज भइसकेका छन् । त्यस्तै घाइते सन्दीपलाई बीपी कोइराला स्वास्थ्य विज्ञान प्रतिष्ठानको आकस्मिक कक्षमा उपचार पछि डिस्चार्ज गरिसकिएको छ । घटनामा संलग्न विजय र घाइते तिनै जना विद्युत् मर्मतको काम गर्ने गरेका थिए । नियन्त्रणमा आएको विजयलाई कारबाहीको प्रक्रिया अगाडि बढाएको डिएसपी न्यौपानेले जानकारी दिए ।