१६ वर्षीया बालिकालाई बलात्कार प्रयास गरेको आरोपमा प्रहरीले गढवा गाउँपालिका–६ का २६ वर्षीय सन्देशसिंह ठकुरीलाई वैशाख ३० गते गिरफ्तार गरेको छ ।

पीडित वैशाख २९ गते पसलबाट घर फर्किदै गर्दा आरोपितले बाटोमा बलात्कार प्रयास गरेको भन्दै पीडित पक्षले वैशाख ३० गते इलाका प्रहरी कार्यालयमा उजुरी दिएपनि प्रहरीले दर्ता नगरेको र चौतर्फी विरोध पछि आरोपितलाई गिरफ्तार गरेको थियो । वैशाख ३१ गते इलाका प्रहरी कार्यालय गढवाले उजुरी दर्ता गरेको छ ।

पीडित पक्षले उजुरी दिन इप्रका गढवा पुगेपनि इन्स्पेक्टर भरतसिंह राठौरले लकडाउन समयमा  अदालत नखुल्ने भन्दै उजुरी दर्ता नगरेको आरोप लगाएका थिए ।

जिल्ला प्रहरी कार्यालयका डिएसपी सुमित खड्काले आरोपितलाई गिरफ्तार गरि अनुसन्धान भइरहेको बताउनु भयो ।

पीडितको स्वास्थ्य परीक्षण वैशाख ३१ गते लमही अस्पतालमा गरिएको प्रहरीले जनायो ।

जयनारायण पुन