१४ वर्षीया  बालिकालाई बलात्कार गरेको आरोपमा रोहिणी गाउँपालिका–४ का २५ वर्षीय मिलन राजभर विरूद्ध पीडित पक्षले जेठ ३२ गते जिल्ला प्रहरी कार्यालयमा उजुरी दर्ता गराएको छ ।

पीडितलाई आरोपितले जेठ २९ गते बलात्कार गरेको भन्दै आरोपितलाई कारवाही गर्न माग गर्दै उजुरी दिएको पीडित पक्षले जनाएको छ । जिल्ला प्रहरी कार्यालयका डिएसपी खडकबहादुर खत्रीले प्रहरीमा आएको उजुरीका आधारमा मुद्दा दर्ता गरी अनुसन्धान भइरहेको बताउनु भयो ।

आरोपित फरार रहेकोले खोजी भइरहेको पनि उहाँले जानकारी दिनु भयो । पीडित बालिकाको स्वास्थ्य परीक्षण जेठ ३० गते  भीम अस्पताल, भैरहवामा गरिएको प्रहरीले जनायो ।

रीमा बिसी